Видео: Членови на СДСМ му се зaкaнувале на Mицкоcки пред полициска станица

472

Продолжуваат тензиите во Кочани, каде екипата на Инфомакс вербално беше нападната во ромското маало, каде што се обидуваа да снимаат партиски штаб, кој беше отворен за време на изборниот молк и каде, како што изјави и едно од лицата кои беа присутни таму, се правеле списоци.

Новинарите беа вербално нападнати, по што им беше блокиран патот со автомобил и не им дозволуваа да заминат.

Нoвинарите, заедно со Христијан Мицкоски и пратеникот Миле Лефков заминаа во полициска станица да го пријават настанот. Од страна на полициските службеници, во исто време со пријавителите, беа повикани и лицата затекнати во партискиот штаб кои веднаш се појавија пред полициската станица и продолжија со заканите кон Лефков, Мицкоски и новинарите од Инфомакс.

Присутните упатуваа навредливи зборови и им се закануваа на пријавителите и им повторуваа дека немаат никакво право да снимаат.