Лос Анџелес Лејкерс гостуваше во Тексас на дуел на кој регуларните 48 минути не беа доволни за да се реши победникот. Далас Маверикс иако играше без својот најдобар играч, Лука Дончич, пружи силен отпор.
“Градот на ангелите” доби нов човек на кого може да се смета кога натпреварот се решава. Станува збор за дебитантот Остин Ривс. Кога целата одбрана беше насочена кон неутрализирање на Леброн Џејмс, топката стигна до 23 годишниот шутер кој ја запали мрежичката. Конечни 107-104 за “лејкерси” во продолжението.
Леброн Џејмс беше лидер со 24 поени, следен од Расел Вестбрук со 23 и Ентони Дејвис со 20. Со третата победа по ред, “лејкерси” се израмнети на петата позиција во Западот со “комшискиот” Лос Анџелес Клиперс. Обата тима имаат идентичен скор, 16-13.
NBA FAN
Димитар Маденовски
