Магнезиумот е минерал кој е неопходен за општото здавје на организмот и урамнотежено, добро расположение.
Магнезиумот е вклучен во над 600 ензимски реакции, вклучувајќи синтеза на протеини за производство на енергија, управување со гликозата во крвта, регулација на крвниот притисок и нервна функција.
Телото само не произведува магнезиум, па затоа мора да го внесуваме од надворешни извори.
И покрај клучната улога на магнезиумот во нашето целокупно здравје, на многумина им недостасува овој минерал.
Тој природно може да се најде во многу здрави намирници.
Една од најпознатите предности на магнезиумот е влијанието што може да го има на нивото на стрес и квалитетен сон. Ова се должи на неговата способност да го регулира невротрансмитерот кој го смирува умот, па оттука и репутацијата на магнезиумот како „релаксирачки минерал“.
Студиите го поврзуваат поголемото внесување на магнезиум со подобар и подолг сон и покажале поврзаност помеѓу нискиот внес на магнезиум и нарушувањата на расположението како депресија и анксиозност.
Исто така, важно е да се знае дека магнезиумот е неопходен за одржување на нивото на витамин Д. Истражувањата покажуваат дека магнезиумот помага да се активира витаминот Д, што значи дека ви треба соодветно ниво на магнезиум за да имате корист од витаминот Д, кој вклучува поддршка на здрав имунолошки систем и одржување на здрави коски.
Она што може да го правите на дневно ниво е во вашето мени да додадете: семки од тиква, бадеми, спанаќ, индиски ореви, авокадо, темно чоколадо, путер од кикирики.
