Јоанис Папапетру пристигнува во Белград!
На силно инсистирање на првиот човек на Партизан, Предраг “Саша” Данилович и на легендарниот тренер Жељко Обрадович, пристигнува еден од најдобрите играчи во Грција, како и во Европа.
Довчерашниот капитен на “зелените”, ќе претставува еден од најголемите адути во нападот на “црно-белите” во следната сезона кога српскиот тим се враќа во елитната Евролига. 28-годишното крило претставува еден од ретките кошаркари кој играле за двата најлути грчки ривали. Кариерата ја започна во Олимпијакос каде настапуваше од 2013 до 2018, пред да направи шокантен премин во големиот ривал Панатинаикос каде со успех настапуваше четири сезони и стана миленик на навивачите.
Првенствените информации се дека Партизан ќе плати 400.000 евра оштета за да го добие грчкиот репрезентативец. Како главна цел за заминувањето на репрезентативецот од својата матична земја, медиумите ги потенцираа неисплатените средства кој му следуваат и за кој ќе поведе судски спор против грчкиот спортски гигант.
Сезоната 2020-2021 беше незаборавна за Папаетру кога беше најдобар стрелец во грчкото првенство, ја осовои титулата и заслужено беше избран за најкорисен играч во регуларниот дел од првенството како и во купот. Според “Еуробаскет”, договорот со Партизан е во траење од две години за кој би заработил близу 2 милиони евра.
Белградскиот клуб досега во летниот преоден рок ги ангажираше Данило Анѓушич, Данте Егзум и Џејмс Нанали. Последното засилување е најзначајно.
Димитар Младеновски
