Во Македонија се размислува да се воведе забрана за копање крипто-валути

493

Копањето на криптовалути троши многу струја поради што после Советот на безбедност кај претседателот, премиерот Димитар Ковачевски апелираше “копачите” да престанат бидејќи во тој процес се трошат енормби количини на струја.

Тој рече дека Владата размислува со закон да го забрани копањето криптовалути.

„За тоа ќе треба законско решение да се донесе. Се додека не се донесе, мора да се оди со апел, а доколку се работи за правни лица, знаете дека воведовме тарифирање во блокови. Во овој период не треба да се прави поради недостигот на електрична енергија. Јас сум во комуникација со систе соседни држави, меѓутоа секој има свои специфики. Косово е во најтешка ситуација. Таму веќе има рестрикции и сите во нашите можности помагаме колку што можеме, бидејќи на крајот на денот соседите се тие кои што први треба да си помагаат“, рече Ковачевски.

 

Владата на Ковачевски пред изборот на почетокот на оваа година предлагаше решенија за поголема законска употреба на криптовалути за што се подготвени и законски измени. Но потоа почна војната во Украина и енергетската криза.

 

Пред осум месеци, косовската влада го забрани копањето на криптовалути за да ја намали потрошувачката на електрична енергија.

 

ПОВРЗАНИ НАПИСИПОВЕЌЕ ОД АВТОРОТ