Лидерот на Демократската унија за интеграција тврди дека во сите други земји во светот, навивачите ги слават своите јубилеи во националните театри.
За Али Ахмети нема ништо спорно во славењето на навивачката група „Шверцери“ во Македонскиот народен театар. Лидерот на ДУИ дури и тврди дека во цивилизираните земји навивачите исто така слават јубилеи во театрите.
„Во сите цивилизирани земји како што се Англија, Германија и други, такви слични манифестации на симпатизери на клубови, нивните јубилеи се слават во национални театри. Ако има материјална штета, тоа е друго прашање. Не сметам дека луѓето таму отишле да направат штета“, изјави лидерот на ДУИ, Али Ахмети.
Сепак, фотографиите од Македонскиот народен театар кои ги објави „А1он“ покажуваат нешто сосема друго, а ние се сомневаме дека во напредните западни земји, луѓето кои го уништуваат државниот имот ги сметаат за цивилизирани.
