Батерии на рускиот против-воздушен ракетен систем „С-300“ се забележани на полигон на американската армија, а тоа го потврдуваат и сателитски снимки.
Иако локацијата на ПВО системите распоредени на полигонот кој го користи американската армија не е откриена, како ниту тоа дека навистина станува збор за „С-300“, руските медиуми се уверени дека американската армија дошла до посед на моделот „С-300ПТ“.
Според зборовите на главниот уредник на познатиот руски магазин „Национална одбрана“, Игор Короченко, ако се потврди дека се во прашање вистински ракетни системи, тогаш тие на американските полигони пристигнале најверојатно од Украина.
Пусковые установки и машины управления системы ПВО С-300 на американском полигоне. Фото @border9999 pic.twitter.com/wBgK35JiPo
— Ivan O'Gilvi (@o_gilvi) May 12, 2019
„Познато е дека во рамките на тајната соработка помеѓу министерствата за одбрана на САД и Украина, Украинците им овозможија на Американците да ги испитаат советските оружја. Поради тоа, можно е Украина да им ги предала овие системи на Американците“, изјави Короченко.
Сепак, Короченко оценува дека станува збор за стари против-воздушни системи, развиени во осумдесетите години од минатиот век, па поради тоа не постои некаква закана Американците од тие системи да извлечат било какви „тајни информации“ околу технологијата.
„С-400 воопшто не наликува на С-300, па Соединетите Американски Држави на овој начин нема да успеат да дознаат ништо за новите руски против-воздушни системи“, заклучи Короченкo.
