САД и нивните сојузници од НАТО Алијансата би требало да се плашат од против-воздушниот ракетен систем „С-400“ поради можноста на неговата употреба како средство за борба во економска војна, пишува “National Interest”.
Како што велат од американскиот медиум, системот „С-400“ има низа на стратешки предности. Првата предност е профитот од продажбата на ваквите системи. Меѓу постоечките и потенцијалните руски клиенти се Индија, Кина, Турција, Саудиска Арабија и Катар.
Според “National Interest”, втората погодност која ја нуди е престижот и глобалниот статус на Русија која создава слика на производител на напредни вооружувања. Предноста на Русија тука е и воспоставувањето и развивањето на односите со земјите кои го купуваат „С-400“ системот, затоа што е потребна обука на војниците за користење, како и сервисирање на ПВО системот.
S-400: Russia's UItimate Weapon to Shootdown Air Force F-15s and F-16s? | The National Interest
[ This is the stuff that arms races are made of. Will modern Russia repeat the mistakes of the former Soviets, & spend themselves into near extinction? ]https://t.co/HZtfNFotUX
— CharlesFoster Malloy (@cfmalloy) June 1, 2019
Покрај тоа, споменатиот медиум тврди дека можно е користење на овој систем за против-воздушна одбрана во „хибридна војна“.
Продажбата на „С-400“ на Турција веќе доведе до поделби во НАТО Алијансата. Ако договорот помеѓу Русија и Турција биде до крај реализиран, Москва ќе ги размести своите системи со моќни радиоблокациски станици на териториите на НАТО Алијансата.
Се заклучува дека Вашингтон не се заканува без причина дека ќе воведе санкции против Анкара, како и со исклучување на Турција од програмата за развој на „Ф-35“ поради купувањето на руското оружје. Во меѓувреме, турските власти во повеќе наврати порачаа дека нема да се откажат од купувањето на рускиот ракетен систем, што веројатно ќе значи дека ќе останат без Ф-35 борбените авиони.
