Џенаро Гатузо кон средината на минатата сезона ги презеде „Росонерите“ од Винченцо Монтела, направи промени во екипата и на крајот се избори за место во Лигата на Европа.
Ова лето секакви работи се случуваа на „Сан Сиро“, дојде до промена на сопственикот, новите челници на местото спортски директор го поставија Леонардо, кој направи одлична работа на трансфер пазарот.
Сепак, Милан доживеа пораз на првиот дуел во новата сезона, откако беа поразени од Наполи на гостински терен со 3:2.
Милан водеше со 2:0, а за само половина час екипата на Карло Анчелоти дојде до пресврт и голема победа.
По ваквиот расплет на ситуацијата, сопствениците на клубот повторно почнаа да ги разгледуваат опциите за позицијата шеф на стручниот штаб, Гатузо би можел да добие отказ, а на негово место на клупата би можел да седне Антонио Конте.
И во претходните месеци се говореше дека поранешниот тренер на ЈУвентус и Челзи е желба на управата на „Росонерите“.
Откако се појави приказна дека Конте ќе добие отказ во Челзи и дека на негово место ќе пристигне Маурицио Сари, поранешните сопственици на Милан покажаа интерес за услугите на некогашниот селектор на Италија.
Изгледа дека и новите сопственици, како и новиот спортски директор Леонардо исто така го сакаат на клупата на Милан. Останува да се види како ќе се развива ситуацијата и дали Конте има желба да го преземе Милан.
