Славјето за Македонија за пласманот во финале заврши, па сега на ред е битка за првото место во групата, кое може да донесе и бараж за пласман на Светското првенство во Катар во 2022 година, па триумф против последната селекција е неопходен.
„Емоциите завршија, заврши славјето, тоа што го сакавме го остваривме и сега не чека нов меч, утре е нов напревар, сега сме фокусирани само на овој меч и јас очекувам од фудбалерите повторно да го дадат максимумот и да остварат добар резултат. Сега сета концентрација е на тоа што не чека утре, зашто секој меч е важен. Сега концентрацијата е на Естонија, добро тргнавме во оваа Лига на наци, моментално сме први и утре одиме да ги освоиме трите бода за да останеме на тоа прво место. Овие мечеви во Лига на нации ќе ни послужат и за подготовка за мечот со Грузија на 12 ноември, но сето тоа е ставено на страна, мислите ни се утре на победа“, вели Ангеловски.
Македонија за овој меч не смета на стоперот Егзон Бејтулаи кој се повреди со Косово, како и на Аријан Адеми, кој беше заменет откако се пожали на повреда пред крајот на пресметката со северниот сосед, а не допатува ниту резервниот десен бек Кристијан Тошевски, а поради суспензија за црвениот картон од претходниот меч во комбинација не е ниту Висар Муслиу.
„И порано сме имале повредени, па останатите секогаш се ставале во функција на тимот, можеби некои играле и на неприродна позиција, ама секогаш давале сè за добар резултат. Очекувам повторно тимот да го надополни секој недостаток“, додава Ангеловски.
За ривалот, кој е далеку од сериозна селекција, сепак македонскиот селектор има респект и во ниту еден момент не го потценува, без оглед на слабите резултати, па двата порази во воведните два меча во септември во оваа сезона од Лигата на нации.
„Ја гледав Естонија, ја респектирам, има добар тим, без оглед што загубија два меча во Лигата на нации. Сепак, се добар противник. Ние ги респектираме, но веруваме во нас и подготвени сме за добар резултат“, заврши Ангеловски.
