Николас Анелка стана доста актуелен во совјата родна земја поради документарецот кој му го објавува „Нетфликс“, а после најавата која ја даде за филмот, сега почнаа во јавноста да изглегуваат и деталите од истите со оглед на тоа што веќе излезе премиерата.
Легендарниот француски голгетер кој смени огромен број на клубови во кариерата се отвори за голем дел работи во професионалниот фудбал, но дефинитивно посебно внимание привлекува неговата исповед поврзана за хоророт кој го доживеал во Реал Мадрид, а кој самиот го предвидел уште при првиот ден.
По блескавите две сезони во Арсенал, Анелка на 20-годишна возраст се пресели во еден од најголемите клубови во светот, па иако се води дека ја освои Лигата на шампионите во едната сезона која ја мина во Реал, самиот е свесен дека имаше премал учинок во шпанската престолнина.
– По презентацијата и завршениот прес, заминав во соблекувалната. Пристигнав прв, седнав на едно столче, но потоа ми се приближуваа играчите и ми велеа „Ова е моето место“. Се извинував, но потоа доаѓаше следен фудбалер и ми го велеше истото. Тоа се повтори 20 пати и во себе си помислив „што барам тука“?. Знаев дека ме чека кошмар. Тоа што го доживеав првиот ден беше само почетокот на хоророт, – се исповеда Анелка за понижувањето од првиот ден.
– Имаше огромен притисок, постојано бев во медиумите. Не можев да имам приватен живот, не можев да правам ништо. Имав 20 години, а не можев да излезам на улица. Се што правев, веднаш се коментираше во јавноста, што и да купев, веднаш излегуваше во весниците наредните ден, – додава Французинот кој на средина на сезоната објави бунт откако беше преселен на клупата за резерви и неоправдано пропушти доста тренинзи.
– Бев дел од осмата титула на Реал Мадрид во Лигата на шампионите и горд сум на тоа. Не направив многу, направив многу малку. Би сакал да можев да направам многу повеќе, но немав шанса за такво нешто. Кога се навраќам гледајќи во ретроспектива, ако сакаш да играш за Реал, мора да направиш многу жртви. Јас бев премногу млад за да го сфатам тоа. Имаше работи кои не требаше да ги направам и да ги кажам. Сепак, Реал дојде прерано во мојата кариера, премногу рано, – завршува Анелка.
