Денес го славиме 1 април, Светскиот ден на шегата, воедно и денот кога луѓето прават безопасни игри и објавуваат лажни вести. Точните корени на овој ден не се познати, а постојат неколку теории за тоа како почнало одбележувањето на овој ден.
Во поголемиот дел од земјата шеги се прават во текот на целиот ден, додека само во Велика Британија, Австралија и Јужноафриканската Република се прават шеги само до пладне, а оној кој ќе продолжи и после тоа го нарекуваат “априлска будала”.
Бројни медиумски куќи, компании, веб страни и други шегаџии денес ќе се огласуваат со разни првоаприлски шеги. Една од најпопуларните е дека Дејвид Бекам ѝ се придружи на австралиската фудбалска репрезентација. Уште една која го обиколи светот е шегата на BBC кој објави репортажа од семејство кое одгледува шпагети на дрво па подоцна ги прозвале гледачите да проверат каде можат да се снабдат со такво дрво.
Секоја шега која ќе ја изговорите денес е првоаприлска, а лицето кое ја измислува потоа изговара “априлилили”. Помеѓу најпознатите шеги е и онаа на ланецот ресторани за брза храна Burger King кој објави реклама за хамбургери наменети за левичарите кои биле направени така што содржината ќе им тече само од десна страна.
Од друга страна овој празник е толку популарен што луѓето воопшто не сакаат да веруваат во работите кои се случуваат или изјавите на тој ден па така Иран во 1979 година го прогласи 1 април за Ден на Републиката. Многумина до денес не веруваат дека ова е вистински празник.
Во Бразил овој ден се одбележува како Денот на лагата, а во Индија постои сличен празник кој се одбележува кон крајот на март и се нарекува Холи.
Шкотска на 1 април го слави денот под називот Фати будала и славењето продолжува на 2 април кога луѓето си стаават натписи на грбот “удри ме на грбот”.
Но, едно е сигурно, денешниот ден обидете се да го поминете така што ќе се пошегувате со пријателите и семејството.
