По 34 години, околу 65.000 часа работа, и секојдневно собирање камења на својот пат, Шевал го остварил својот сон и сам изградил неверојатно архитектонско ремек дело.
Кога поштарот Фердинанд Шевал во 1879-та година се сопнал од камен, веројатно не се ни сомневал дека таа наизглед сосема обична незгода во целост ќе му го промени животот. Од тој момент, секој ден во текот на наредните 34 години, Шевал собирал камчиња додека разнесувал пошта, па со нив почнал да гради куќа.
На крајот изградил масивна палата од камења која го привлекла вниманието на уметниците меѓу кои и Пабло Пикасо, а сега ја поздравуваат околу 120.000 посетители годишно.
Шевал го напуштил училиштето кога имал 13 години, се оженил и се вработил како поштар во град во Франција. Во 1879-та, додека разнесувал пошта, се сопнал од камен и наместо да продолжи напред, се наведнал, го кренал и го понел со себе. Каменот му изгледал необично убав, па го однел дома и наскоро станал опседнат со него.
Следниот ден, застанал на истото место, разгледал наоколу и видел дека тука има уште убави камења кои почнал да ги собира, без да знае дека тие ќе станат темел за неговото животно дело.
Шевал овие камења го потсетувале на сонот кој го имал како дете, во кој изградил дворец од истиот камен кој го пронашол на патот – и еден ден, одлучил да го оствари. Направил палата инспирирана од приказните од Библијата, во стил на арапската и алжираската архитектура.
По 34 години, околу 65.000 часа работа и секојдневно собирање камења од својот пат, Шевал го остварил сонот и изградил неверојатно архитектонско ремек-дело.
Почнал од фантана, а потоа додал уште една просторија. После тоа направил египетска гробница, ориентална пагода, египетски храм и три џинови кои потсетуваат на оние на од Велигденскиот остров. Потоа додал Хинду храм, средновековен европски дворец и џамија. Првобитно имал намера да гради гробница за себе и својата сопруга, но парот не бил погребан таму.
Камен по камен, Шевал ја изградил својата палата која ја нарекол Идеална палата, без никакво знаење за архитектура или градење. Овој проект кој го направил од чиста љубов му овозможил на некој начин да ја измами смртта, бидејќи палатата денес ја посетуваат повеќе од 120.000 луѓе годишно, иако додека ја градел многумина ја исмевале.
