„Топчиите“ ќе мораат скапо да платат доколку сакаат веќе во јануари да го ангажираат крилниот играч на Лил.
Брзоногиот Николас Папе игра во фантастична форма, постигна 12 погодоци и запиша пет асистенции на 18 настапи во Лига 1 сезонава, а во Лил се свесни за неговиот квалитет и интересот кој го предизвикува, па нема така лесно да се откажат од него.
Дека постои интерес од Арсенал потврдува и изјавата на тренерот на Лил, Луис Кампос, кој ја откри вредноста на Папе.
„Тој чини 80 милиони евра, но клубот кој ги има тие пари ќе мора да го убеди и играчот“, изјави Кампос.
Изјавата помалку е и претенциозна, бидејќи тешко може да се замисли било кој играч на Лил да го одбие повикот од еден премиерлигаш, па така не треба да постојат сомнежи дека Папе веднаш ќе ги спакува куферите доколку Арсенал навистина пронајде заеднички јазик со францускиот клуб.
