Атлетико Мадрид ова лето ќе го загуби Диего Годин, кој се договори со Интер и од идната сезона ќе го носи дресот на „Нераѕурите“.
Таа дупка ќе мора да ја пополнат со квалитетен играч и тоа во следните неколку месеци, а веќе ја дефинирале нивната трансфер опција.
Управата на Атлетико во договор и совети од Симеоне, разговарале за можна понуда до Ајакс за фудбалерот Де Лихт, младото 19 годишно момче кое импресионираше.
Ова момче во меѓувреме го следат и скаути на Челси, Јунајтед, Јувентус и Валенсија.
По ангажманот на Френки Де Јонг во Барселона, Атлетико сака да го убеди младиот Де Лихт дека Примера е вистинскиот избор за него.
Неговата трансфер цена се проценува на некои 35 милиони евра.
