Ема Коронел Аиспуро, сопругата на осудениот мексикански нарко бос Ел Чапо Гузман, на кој му се заканува доживотен затвор, најави покренување на модна линија на облека со иницијалите на сопругот ХГЛ, Хоакин Гузман Лоер, пишуваат американските медиуми.
“Целта ми е да го прикажам сопствениот и стилот на облекување на мојот сопруг. Пред неговото заминување во САД многу разговаравме за овој проект”, напиша на Инстаграм 29 годишната поранешна кралица на убавината, која вниманието го привлече со тесната облека која ја носеше во судница за време на тримесечниот судски процес за Ел Чапо.
Идната модна креаторка ги повика светските дизајнери по пат на нејзиниот адвокат да стапат во контакт со неа.
Нејзиниот сопруг (61) за траењето на судењето се облекувал во шарени кошули, патики и носел бејзбол капи.
Поротата на њујоршкиот суд на 12 февруари го прогласи за виновен мексиканскиот нарко бос, а пресудата ќе биде изречена на 25 јуни.
Ел Чапо се наоѓа во затворот во Њујорк. Уапсен бил во јануари 2016 година во Мексико и после една година бил изречен во САД согласност со обвинението за трговија со дрога, убиства, киднапирање и други кривични дела.
Пред минатомесечната пресуда тој потпишал документи со кои му се одобрува комуникација со надворешниот свет.
