Реномираниот норвешки дизајнер на јахти, Курт Странд, го претстави својот најнов концепт на суперјахта. Прекрасниот истражувачки брод со должина од 122 метри е инспириран од чудата на Мајка Природа и се нарекува “Aurora Borealis”.
Со цел да ве одведе на најдалечните делови од светот, овој спектакуларен брод е подеднакво неверојатен и во својот ентериер, во кој негува луксузна атмосфера која со леснотија ќе ве наведе да заборавите на острите временски услови, оддалеченоста од својот дом или било кои други проблеми.
Кога времето надвор е убаво и пријатно, овој иновативен концепт на јахта се трансформира со леснотија, со цел да ви понуди неверојатно искуство на отворено. Балконите на извлекување и големите капии го отвораат целиот брод, правејќи го совршен каде и да патувате.
Со дури шест ката, овој брод има голем хелиодром, како и масивен базен со стаклен под. Тој исто така доаѓа опремен со кино, салон за убавина и спа центар, мала теретана и гаража која нуди доволно места за сите “играчки” на вода и подморница.
Сопствениците на “Aurora Borealis” ќе можат да уживаат во главниот апартман со површина од 400 квадратни метри кој содржи приватно џакузи на отворено, просторија за сончање, теретана, спа и канцеларија. Освен тоа, осумте ВИП апартмани со површина од 100 квадратни метри нудат опција за сместување на дваесет гости кои сакате да ги однесете на најлудата авантура.
Дали сте спремни за пат околу светот?
