Откако го затрупала лавина, 26-годишниот Австриец минал повеќе од пет часа под снегот пред да биде спасен, објавиле во четвртокот австриските спасувачки служби.
Жртвите на лавината обично не преживуваат подолго од 15 минути под снег, а случајот со спасениот 26-годишник е прв таков на Алпите во последните 20 години, рекол службеникот на спасувачката служба, Стефан Шрок.
Службите тргнале во потрага во средата навечер откако 26-годишниот скијач не се вратил од необележаните патеки кај врвот Плецинитцикен.
Спасувачите успеале да го пронајдат под метар снег, бидејќи во себе имал уред кој на неколку минути ја праќал неговата локација.
Мажот бил при свест, но тешко премрзнат. Успеал да преживее бидејќи околу неговата глава се формирал воздушен џеб кој му овозможил дишење, иако под масата снег не можел да се движи.
“Имал многу, многу среќа”, рекол Шрок.
