Австрискиот магазин Космо, по повод 29.11 поранешниот ден на републиката, кој се славеше во времето на Југославија, објави анализа за тоа како би изгледала Југославија денес ако нејзините народи и народности се обединат повторно.
Судејќи по оваа анализа тоа и не би било толку лошо
Највеќе би биле Срби, па Хрвати и Албанци
Магазинот чиј над наслов е Добриот стар Југ, вика дека многу се прашуваат како би изгледала Југославија во овие денешни прилики. Пишува дека со 21 милион жители Југославија би била меѓу 10-те нај големи држави во Европа, поточно 8ма. Сепак тоа би било пак помалку за 2 милиони жители од тоа што СФРЈ имаше пред да се распадне во 1991 година. Највеќе би биле Србите со 35%, потоа Хрвати со 20,%, Албанци 11%, Босанци 9%, Словенци 8%, додека Македонци би имало 6%, црногорци 1% и во останатите 10% би биле сите останати националности.
Просечната годишна плата би била 16.500 евра односно, 1375 евра месечно. Тоа посебно би им годело на косоварите, жителите на БИХ, Србите, Македонците и на Црногорците. Пример, просечна годишна плата во Македонија е 400 евра, а според анализата на Космо таа би изнесувала над 1300 евра.
БДП на споените земји би било голем и тоа околу 191.4 милијарди долари, со што Југославија би била на 53-то место на големите економии во светот.
Силите на Западот заговарале распад од сопствени интереси
Космо го цитира американскиот политиколог Фил Батлер, кој е уверен дека Југославија како држава би имала поголема улога на преговарачкиот стол во ЕУ и во светот отколку денес. Би била една од средишните земји на Европа, според кое не би било возможно толкаво мешање на ЕУ во внатрешните работи како што е сега. Батлер мисли дека силите на западот намерно ја промовирале идејата за распад на Југославија за да ги зголемат своите влијанија и интереси.
Доколку спортистите повторно би настапувале под исто знаме, како што тврди австрискиот магазин, земјата би била во топ 5 нај силни спортски велесили на светот. Би доминирала во фудбал, кошарка, ватерполо и ракомет.
Еве и кратко видео, како тоа би изгледало:
