Патрик Бамфорд се произнесен во кратко интервју во кое зборуваше за Езџан Алиоски, соиграчот од Лидс Јунајтед.
Македонскиот фудбалер важи за еден од најзабавните играчи на премиерлигашот. За тоа се сведоци сите негови соиграчи. Последен кој зборуваше за карактерот на нашиот интернационалец е голгетерот, кој вели дека тој е како „дете кое консумирало многу шеќер“.
„Алиоски е како дете кое конзумирало премногу шеќер… Постојано има енергија. Кога обезбедивме промоција во Премиер лигата, организиравме прослава и ги зедовме нашите понежни половини. Помислив дека тој ќе биде поинаков пред неа, но тој беше идентичен. И што е „најлошо“, таа е на исто ниво со него…“, низ смеа кажа Бамфорд.
Кариерата на Алиоски на „Еланд Роуд“ може да заврши на крајот од тековната сезона. Клубот засега не му понудил нов договор, па се шпекулира дека тој ќе ја продолжи кариерата во Турција.
