Бејтулаи стандардно е на списокот на селекторот Игор Ангеловски, конкурира за настап и во пресрет на историскиот меч, посочува дека од него и сите колеги се очекува да го дадат максимумот, зашто секој во селекцијата знае што сака и што бара.
„Очекувам да се пласираме на Европско првенство. Ние треба да дадеме сè, максимимот за да го победиме Косово. Ние имаме голем респект кон Косово, ама позната е нашата цел – знаеме што бараме и знаеме што сакаме. Имаме многу добар тим, многу години играме заедно и треба само сите да го дадеме максимумот. Ако тоа го сториме, ќе го победиме Косово. Ние сме професионалци, секој меч има своја тежина, но ништо од тоа нема да не спречи ако одиграме како што сакаме“, вели Бејтулаи.
