Сите беа изненадени кога на почетокот од месецот се појавија информации за тоа дека 47-годишниот актер Бен Афлек е повторно заљубен, и тоа во 16 години помладата актерка Ана де Армас, особено поради тоа што „до вчера“ јавно ја молеше поранешната сопруга Џенифер Гарнер да му се врати. Но, изгледа дека Ана толку го „полуде“ што токму поради неа ја заборави некогашната голема љубов и турбулентна врска со атрактивната Џенифер. Сепак, неговите пријатели го предупредуваат дека љубовната приказна со Кубанката нема добро да заврши, пренесува „In Touch“.
Тој мора да успори, инаку ќе има повторно скршено срце, а тоа е последната работа која му треба после се низ што помина во последните неколку години“, изјави извор близок на актерот.
Изворот како аргумент ја наведува љубовната историја на Ана, тврдејќи дека го злоупотребувала секој маж со кој што била досега, сметајќи дека исклучок нема да биде ниту „лабилниот“ Бен.
Ана така делува на мажите. Таа е паметна, згодна и талентирана. Меѓутоа, позната е по тоа дека има обичај да се „сплетка“ со соработниците. Со неа работите можат да се оладат еднакво брзо како што и се загреваат. Напорно работеше за да дојде до таму каде што е денес и кариерата ѝ е на прво место. Доколку го скрши срцето на Бен, тој повторно може да заврши на рехабилитација“, заклучи пријателот на познатиот актер.
