Беше првата пејачка на групата „Магазин“ со македонско потекло, а потоа во 90-те исчезна: Еве како изгледа денес

Лилјана Николовска, првата пејачка на групата „Магазин“ била многу популарна на музичката сцена во 80-те години, а многумина и денес ја сметаат за еден од најдобрите вокали кои оваа хрватска група некогаш ги имала.

Лилјана била популарна во групата од 1983 до 1989 година, снимила седум албуми, отпеала некои од најголемите хитови, како „Тамара“, „Коколо“, „Пиши ми“…

Таа е родена Сплиќанка, а нејзините родители Вера и Боро се по потекло од Македонија.

Лилјана од Хрватска и Југославија заминала да живее во калифорнискиот град Сан Педро во текот на 90-те години.

Во среќен брак е од 1993 година со сопругот кој исто така е музичар.

„Дури и кога заминав во 1989 мене првите три години куферите ми беа спакувани, подготвена да се вратам дома. Меѓутоа, околностите беа такви што сретнав бенд кој ми се допаѓаше, го сретнав својот сопруг, станав и мајка таму“, изјавила пејачката своевремено.

„Синот Тони има 20 години и е втора година на колеџ, а сопругот Пит е врвен музичар. Имаме свое музичко студио во кое заедно работиме. Имаме и градина со многу овошје и зеленчук, така што сме среќни. А, студиото е зафатено 24/7, имаме премногу работа, некогаш не стигнувам ниту да јадам“, изјавила минатата година Лилјана за „Радио Далмација“.