Беше убиена од најдобрата пријателка пред роденденот: Која е Селена, девојката за која велеа дека ја чека невидена светска слава

Убиството на американската пејачка од Мексико, Селена Квинтанила Перез (1971-1995), го шокираше целиот свет, а таа почина две недели пред нејзиниот 24-ти роденден, откако беше убиена од нејзината најдобра пријателка Јоланда Салдивар (60).

Селена почнала да се занимава со пеење уште како мала, а веќе на осумгодишна возраст го имала првиот концерт.

Во 1989 година, таа го издаде својот прв музички албум наречен „Селена“, кој ја направи славна низ целиот свет.

Кога имала 23 години, таа беше на врвот на својата кариера, а ја споредуваа и со Мадона. Покрај пеењето, таа се занимавала и со моделирање и глума, а се појави во познатиот филм „Дон Хуан Де Марко“ со Џони Деп во главната улога.

Почнала да дизајнира облека, па во 1994 година отворила два бутика наречени „Selena Etc“, каде ја вработила нејзината пријателка Јоланда Салдивар како управителка на бутиците.

 

Бројни вработени се жалеле од неа кај пејачката и нејзиниот татко Абрахам Кинтанила, но Селена ја бранела и верувала само на зборот на Јоланда, па затоа ја ангажирала и  како свој агент. Таа исто така ја ставила на позицијата претседател на фан клубот, а навивачите го повикале таткото на Селена и се жалеле дека ја платиле членарината, но дека не добиле ништо за возврат.

Авраам покренал истрага и дознал дека Јоланда ја краде неговата ќерка.

Селена потоа конечно се соочила со Јоланда во мотелската соба и тие жестоко се скарале. Јоланда во еден момент зела пиштол од чантата и пукала во пејачката, а таа ранета дошла на рецепција и кажала кој ја застрелал пред да се онесвести.

 

Таа била итно пренесена во болница во Тексас, но не ја преживеала операцијата. Починала на 31 март 1995 година, 16 дена пред нејзиниот 24-ти роденден. На погребот се собрале околу 30.000 луѓе, меѓу кои имаше и многу обожаватели кои не можеа да поверуваат дека е убиена.

Во октомври 1995 година, Јоланда беше осудена на доживотен затвор за убиството на Селена.

 

Во 1997 година беше снимен филм за нејзиниот живот и смрт, а ја играше Џенифер Лопез, која во тоа време не беше толку позната како денес. Нетфликс неодамна сними серија за неа, чија премиера ќе биде на 4 декември оваа година. Селена ја игра во серијата Кристијан Сератос, актерка позната по серијата „Walking Dead“.