Безбедносните служби на Германија открија дека извршителот на масакрот утринава во Ханау, пред неколку дена објавил видео на YouTube во кое посебна порака испратил до Американците.
Исечокот кој до денес бил видлив на мрежата бил снимен во приватен стан. На видеото напаѓачот од Ханау вели дека во „САД постојат подземни воени објекти во кои деца се злоставуваат и убиваат и каде се изведуваат обреди во чест на Сатана“.
Тој додава дека „американските граѓани мора веднаш да се разбудат и да се борат против тоа“.
Сепак, на видеото никаде нема назнаки дека ќе биде извршен нападот кој утринава ја потресе Германија. Истрагата на злосторството ја презеле сојузните германски власти со оглед на тоа што убиството е со ксенофобни мотиви, пренесува Suddeutsche Zeitung.
Претходно, германскиот весник „Билд“ дека нападот го извршил извесен Тобиас Р. кој зад себе оставил писмо и видео порака. Во писмото напишал дека треба да биде убиена „одредена група на луѓе“.
