Речиси 10 години по ликвидацијата на некогашниот најбаран светски терорист, американскиот документарец „Сокриениот хард-диск на Бин Ладен“, кој ќе биде прикажан на 10-ти септември, открива дека Осама Бин Ладен користел порнографски содржини за испраќање на кодирани пораки и упатства за следбениците.
На тоа укажува огромната колекција на порнографски содржини кои американските трупи ги пронашле во пештера, недалеку од местото каде што е ликвидиран терористот во 2011-та година.
Документарецот тврди дека Бин Ладен ја споделил последната скривница со уште најмалку 22 лица, од кои барем еден направил колекција од 470.000 фајлови порнографски содржини.
NatGeo’s Osama bin Laden doc claims reclusive terrorist used his massive PORN STASH to send secret messages — RT World News https://t.co/dHZi4lvTQL
— Thitipan Thadsiripun (@RathananT) September 8, 2020
Бидејќи Бин Ладен немал доверба во испраќање електронска пошта, ниту пораки преку курир, се верува дека пораките биле сокриени во порнографските филмови.
Неколку денови пред одбележувањето на 11-ти септември, денот кога во 2001-ва година терористите го нападнале Њујорк и Вашингтон, внуката на Бин Ладен го поддржала Доналд Трамп за претседател на САД, и покрај верувањата дека тој го наредил убиството на нејзиниот вујко, синот на Осама, Хамзе Бин Ладен, минатата година на границата помеѓу Пакистан и Авганистан.
