Сонце, копнеж за егзотични плажи, дружење, насмеани лица, занемувачко зајдисонце и долги ноќи полни со авантури… летото ни носи експлозија од доживувања, но и чаша полна со предизвик за промени во изгледот. А, желбата за промени, раѓа и потреба од нови идеи за декорација на ноктите.
Еден од најпопуларните трендови е дефинитивно маникирот тип „омбре“, што го опишува секој маникир кој започнува со една боја која постепено се преобразува во друга. Исто така, незанемарлива е шарата „шеврон“, односно исцртаните форми на обратно „V“. Летните мотиви, ноктите со „граници“ и колоритните шеми се само дел од актуелните трендови кај украсувањето на ноктите, советува Маја Јовановска од тимот на „Бјути бар“.
Еднобојниот маникир оставете го за поздодевните и помонотони денови и започнете игра со летни разиграни маникири, потенцира Маја.
Виножито на рацете
Искористете ги сите лакови во светли бои кои ги поседувате за да креирате виножито изглед на вашите нокти.
Неопходни ви се само мали сунѓерчиња со кои врз лакираните нокти ќе го правите преливањето од една боја во друга.
Пастелна омбре фантазија
Нежните пастелни бои можат да се спојат во неодоливи комбинации кои ќе привлекуваат погледи кон вашите раце.
Спојте розова со бебешко сина, нежна жолта со млечно зелена, корална со тиркизна… дозволете ѝ на фантазијата да дојде до израз.
Палми на зајдисонце
Волшебното огнено летно зајдисонце пренесете го на вашите нокти и надополнете го со егзотични палми.
Маникирот ќе ви изгледа како вистинско уметничко дело, а верувајте и не е толку тежок за правење.
Оцртани краеви
Оцртувањето на краевите на ноктите е малку неочекуван и невообичаен, но интересен тренд кој за првпат се раѓа оваа сезона.
Многу е едноставен ако имате стабилна рака и се разбира, лак со тенко четче.
Неонски врвови
Заедно со летното сонце нека блеснат и вашите нокти со неонски бои. Дизајнерите и мејкап артистите ги одобрија дречливите нијанси, па вреди да им дадете шанса.
Налакирајте ги ноктите во неутрална боја, а потоа со сунѓерче натопено во неонски лак нежно тапкајте врз ноктот за да создадете градиент.
Колоритен француски
Класичниот француски маникир веќе неколку сезони губи од својата популарност. За да го направите овој начин на декорирање на ноктите поактуелен, врвовите на секој нокт исцртајте ги со различни весели бои.
Вашиот термин за нокти, односно маникир, но и педикир закажете го на телефонскиот број 070 666 221.
