Се што сакавте е руса коса, но добивте стог сено! Дали косата ви се кине? Или можеби ви личи на растегнато ластиче?!Не грижете се, „Бјути бар„ имаат решение за вашиот проблем! Да, добро прочитавте, руса и здрава коса е возможна мисија! Заедно со Софија Стојчевска кој е дел од тимот на најдобриот салон за убавина, коса и нега ви подготвиме низа совети благодарение на кои ќе можете бланширана коса да ја негувате во домашни услови, интересни детали кои што морате да ги знаете пред да се одлучите да станете русокоса доколку не сте, а тоа е Ваша голема желба, но и неколку трикови благодарение на кои Вашата коса после нанесувањето на бланшот ќе изгледа свежа, здрава и најважно од се, сјајна…
Нега на бланширана коса во домашни услови
КОРИСТЕТЕ МАСЛО ИЛИ СЕРУМ КАКО ФИНИШ
Ако вашата коса е сува, маслата и серумот можат да ја заштитат. Пробајте да ставите арганово, мароканско или јојоба масло и проследете ги резултатите.
ИЗБЕГНУВАЈТЕ ПРОДУКТИ КОИ СОДРЖАТ СИЛИКОН ДИМЕТИКОН
Продуктите кои содржат силикон диметикон можат да ја оштетат вашата фарбана или слаба коса. Ваквиот силикон не се раствара со вода и ги спречува есенцијалните масла и другите состојки да пенетрираат во вашата коса. Ја прави косата мека и мазна моментално, но многу тешко се отстранува.
СКРАТЕТЕ ЈА КОСАТА
Треба да се ослободите од оштетените делови! Размислувајте за нова фризура како свеж старт.
ЧЕШЛАЈТЕ ЈА ПРАВИЛНО
Вашата коса може да има изгубено еластичност после интензивен хемиски процес, па треба да бидете нежни кога се чешлате и да користите правилна четка за коса за да избегнете понатамошно оштетување. Избегнувајте четки со пластични краеви. Избегнувајте да ја чешлате косата кога е многу влажна за да не изгледа како куп шпагети.
НЕ МИЈТЕ ЈА КОСАТА ПРЕМНОГУ ЧЕСТО
Кога се работи за косата можете да си дозволите да бидете мрзеливи – не мијте ја премногу често. Шампоните за масна коса се вашиот најдобар пријател. Користете шампон без сулфат.
Што треба да знаете пред да станете русокоса?
Доколку дефинитивно се решите да ја осветлите косата, тогаш прво осигурете се вашата коса да биде негувана бидејќи оштетените врвови секогаш ќе бидат во различна нијанса од остатокот од косата. Снежно белиот ефект на коса се постигнува само со бланш, а потоа е неопходно да се користи балсам кој ќе ја хидратизира косата и нема да дозволи вашата коса да биде сува. Избегнувајте шампони во боја кои може да влијаат на нијансата на косата и оние кои содржат алкохол во себе бидејќи полесно ќе го исушат влакното.
Доколку правите драстична промена од бринета во русокоса треба да бидете спремни дека на почетокот ќе изгледате „анемично“. За да не дојде до овој ефект подобро би било на почетокот да ја нијансирате косата во костенливи нијанси или мед боја. Исто така, кога ќе ја промените бојата на косата, треба да ја промените и шминкате, односно избегнувајте ја јаката шминка и нанесувајте топли нијанси.
C.P.R. – ТРЕТМАН ЗА ЛЕКУВАЊЕ (ОБНОВУВАЊЕ) И НЕГА НА КОСА
C.P.R е интензивен професионален третман кој продира и делува длабоко во косата, посебно наменет за исклучително оштетена и сува коса. Со негово користење косата се обновува, зајакнувајќи го секое влакно, таа добива сила и подолготрајна заштита. C.P.R на косата и ги враќа сите хранливи состојки кои и се потребни, ја изедначува PH вредноста и ги спојува сите прекинати делови во внатрешноста на влакното. Овој третман претставува терапија за коса и е единствен патентиран производ кој делува длабоко во внатрешноста на влакното со микро честички за пренесување на хранливите состојки. Овој третман можете да го направите во „Бјути бар“.
Важно: Салонот за убавина, нега на коса, тело и лице – „Бјути бар“ при бланширањето на косата користи специјален продукт кој се вика „Olaplex“ и благодарение на него косата непосредно после нанесувањето на бланшот останува сјајна и здрава. Потврда – косата на светската пејачка и актерка Џенифер Лопез која секогаш кога се бланшира го додава овој продукт во бланшот и благодарение на оваа комбинација секогаш има средена и магична боја на коса.
