Судирот на ветераните во “О2 Арената” ги исполни очекувањата.
Британскиот ветеран Дерек Чизора извојува победа на бугаринот Кубарт Пулев по 12 рунди со т.н. “поделена одлука” од страна на судиите. Иако двајцата борци беа видно исцрпени по меѓусебниот судир, Чизора апсолутно заслужено ја доби борбата. Ова претставуваше реванш на “воинот” Чизора, за поразот кој го претрпе од Пулев пред шест години во нивната прва меѓусебна борба.
Во ѓаволски интензивна борба, Британецот ја прекина серијата од три последователни порази (на поени). Пред оваа борба Чизора загуби од Александар Усик и два пати од Џозеф Паркер (во борбата за титулата во ВБО организацијата). Седмата и деветата рунда беа главни за Чизора каде на прав начин потсети на својата детерминираност, настојчивост и непроценлива цврстина. 41-годишниот Бугар при крајот од борбата беше видно дезориентиран што беше и главна причина за конечната одлика.
Дерек Чизора има 33 победи и 12 порази во кариерата додек од друга страна Кубарт Пулев го претрпи трериот пораз како професионалец. Популарниот “кобра” има и 32 победи, а пред Чизора има загубено само од шампионите Владимир Кличко и Ентони Џошуа.
Димитар Младеновски
