Најзначајната борба пред крајот на оваа календарска година, на која боксерските фанови беа сведоци, се случи во легендарната MGM Grand Garden Arena во Las Vegas, Nevada. Deontay Wilder во уште еден тежок дуел со Кубанецот Louis Ortiz успеа по втор пат да го нокаутира, и по 10 пат да ја одбрани WBC титулата во тешка категорија.
Помеѓу двајцата тешкаши има големо пријателство надвор од рингот. Двајцата имаа слична фамилијарна борба со болеста на нивните ќерки кој ги соединува. Меѓусебната почит на овие двајца воини беше уште по воочлива во нивниот втор меѓусебен двобој. Но во рингот е нешто сосема друго. Иако Ortiz издржа во првите 6 рунди, седмата беше кобна за него. Wilder стана само осмиот боксер во историјата кој успеал 10 пати да ја одбрани својата титула. Влезе во фантастично друштво на великани како: браќата Klitchko, “челичниот” Mike Tyson, Muhammad Ali, Lenox Lewis, Joe Frazier и Larry Holmes.
Ова беше 43 борба за “бронзениот бомбардер” и 42 победа. Има само една израмнета борба со Тyson Fury, и дури 41 knock out-и! Импресивното резиме кое го поседува поранешниот кошаркар од Алабама ке биде ставено на тест веќе во наредната календарска година. Многупати до сега Wilder потенцира дека сака да ги обедини сите титули во тешка категорија. Тоа значи дека секој противник кој ке му застане на патот е спремен да го “разнесе”. Mike Tyson кој е негова голема мотивација, е последниот мериканец на кое тоа му пошло од рака. Сведоци сме на голем борец и со нетрпение го очекуваме новиот негов дуел со било кој што ке се осмели да му застане на патот.
Димитар Младеновски
