Украинскиот боксер Василиј Анатолиович Ломаченко (на 11 Декември 2021 година) со едногласна одлука го победи Ричард Коми од Гана. Со новиот триумф популарниот “Матрикс” се доближи до борба за титулата која ја загуби во дуелот со Теофимо Лопез, во Октомври 2020-та.
Се чинеше дека (веднаш) може да добие шанса да се бори со непоразениот шампион Џорџ Камбосос Јуниор кој ги освои шампионските појаси на ВБА-Супер, ИБФ и ВБО победувајќи го (дотогаш непоразениот шампион) Теофимо Лопез, на крајот на Ноември 2021. Тоа одпадна од конкуренција откако во тимот на Камбосос не беа задоволни од финансискиот дел како и тајмингот за идната борба.
Пред новогодишниот дочек, произлезе информација за можен дуел кој би бил спектакуларен. Шампионот на ВБЦ, Девин Хејни со воодушевување го прифати предизвикот да се судри со молневито брзиот украинец но, двата кампови не најдоа заеднички јазик за евентуална борба.
По се изгледа дека никој не е доволно храбар брзо и одлучно да прифати судир со “Лома”. Ломаченко има 16 победи во кариерата како и два порази (Орландо Салидо и Теофимо Лопез).
“Во моментов никој не сака да се бори против мене“, рече Ломаченко и ги повика Гервонта Дејвис, Рајан Гарсија, Девин Хејни и останатите:
“Немам намера да играм по нивните правила. Јас сум поинаков вид од нив. Јас станав легенда пред некој да слушне за овие дечки. Многумина сакаат да бидат познати и да заработат добри пари, а мене не ми е гајле. Само сакам да им покажам дека сум најдобриот боксер на светот. Ништо не може да ме промени“.
Ломаченко е двократен носител на олимпсико злато од олимпијадите во Пекинг 2008-ма и Лондон 2012-та година. Претставува еден од оние фајтери кој секогаш привлекувал внимание во медиумите поради својата самодоверба која често е окарактеризирана како дрскост и безобразност. За многумина (и покрај двата пораза на неговото резиме) тој е еден од најдобрите боксери во светот.
Димитар Младеновски
Бокс корнер со Димитар Младеновски-Крвава ноќ во Њу Јорк (ВИДЕО)
Бокс корнер со Димитар Младеновски-Шампионот од Бруклин е незапирлив
