Низ текот на годините се појавиле безброј млади и талентирани боксери со деструктивен нок-аут потенцијал. Во било кој од тие случаи, кога борецот е непоразен а најголемиот дел од победите ги остварува за релативно брзо време и со технички нок-аут, името на легендарниот Мајк Тајсон се појавува како ултимативно достигнување. Во последните две децении се појавија голем број на тешкаши кој таа “етикета” ги чинеше прескапо. Но сега го имаме Даниел Дубуа.
Британскиот “Динамит” има само 22 години. Во 14 професионални мечеви има исто толку победи од кој 13 со нок-аут завршница. Она што го прави поразличен од останатите е неговата подвижност и леснотија со која се движи на рингот. Висок е 196 сантиметри и има исклучителна цврстина и гранатна мусклна маса. Познат и како спаринг партнерот кој го приземјил Светскиот шампион Ентони Џошуа на еден од нивните заеднички тренинзи. Деструктивната сила на “Динамитот” од Лондон можете да го проследите во видеото кое следи. Уживајте.
Димитар Младеновски
