Тајсон Фјури е се само не обичен човек!
По брилијантниот скор од 25 победи без пораз и освојувањето на линеарната круна (“појасите” WBA, IBF, WBO и IBO) во Ноември 2015 година, против тогашниот апсолутен шампион, Владимир Кличко се тргна во надолна линија.
По успешното враќање во рингот, Фјури ги потсети своите фанови зошто е толку обожуван низ целиот Свет.
За “The Gipsy King” може да се пишува многу.
Почнувајќи од неортодоксиониот стил на тактизирање при борбите како и прилично ексцентричниот карактер кој ги дели љубителите на боксот на оние кој го сакаат и оние кој не можат да го поднесат.
Како непоразен ја потврди својата прогноза дека кога би бил на врвот единствен пат потоа е надолу. Проблемите со дрогата и алкохолот како и константната борба со депресијата го направија непрепознатлив во јавноста.
Но, кога скоро сите подзаборавија каква моќ поседува, тој се реши да се врати за инает на сите кој се сомневаа во него.
Воодушевувачки брзо се реорганизира и дисциплинирано го започна патот кој го трасирале неговите родители уште како мал именувајќи го по една од најголемите боксерски величини – “Железниот” Мајк Тајсон.
Сеуште без пораз по страотно возбудливиот дуел со непоразениот Дионтеј Вајлдер, иако видно не задоволен од исходот, Фјури покажа необично светла и нетипично пристојна страна по завршувањето на епската борба.
Иако важи за “showman” и брутално агресивен пред борбите, кога станува збор за покажување почит по секоја војна како прав воин знае да покаже и понизна страна. Непочитувањето на противникот скапо ги чинело многу големи борци во историјата, нешто кое што тој никако нема да си го дозволи.
Во реваншот против “бронзениот бомбардер” ја покажа својата моќ нанесувајќи му го првиот пораз на силниот Американец.
Но, можеби нешто што најмногу го одвојува од останатите, е неговиот однос со публиката.
Не ретко досега знаел да изненади со постапки кој никој не би го оставиле рамнодушен. Начинот на кој Тајсон Фјури е поврзан со своите обожаватели е еднакво топол и искрен како и односот кој го има со своето потесно семејство и пријателите. Во прилог уште еден прекрасен момент кој е жив доказ дека и најголемите гладијатори пред се треба да бидат луѓе.
Колку и да го сакате или мразите, едно е сигурно. Фјури е класа сама по себе.
Димитар Младеновски
