Еден од најдобрите фудбалери во светот Златан Ибрахимовиќ многу веројатно ќе се врати во Милан, седум години откако го напушти клубот и се пресели во ПСЖ.
Последен пат тој го носеше дресот на „росонерите“ во 2012 година кога Милан не успеа да ја одбрани титулата, а тогаш почна седумгодишната доминација на Јувентус во италијанското првенство. Во меѓувреме Ибра играше и за Манчестер Јунајтед и Лос Анџелес Галакси, но и на 37 години не планира да се пензионира.
Според италијанските медиуми, тој ќе потпише шестмесечен договор со Милан за плата од три милиони евра, а калчолигашот нема обврска да му плаќа ништо на Галакси.
