Д-р Емир Солаковиќ ѝ стана познат на балканската јавност по брутално искрениот одговор на тоа што претставува здравиот живот.
Тој во март оваа година, во интервју објаснил зошто се мали шансите босанскиот народ да биде здрав:
“Нашиот народ нема теоретска шанса да биде здрав и потоа три дена пред смрт, доаѓаат и прашуваат како би можеле да живеат здрав живот. Јас им кажувам “Најдобро посипи се со песок и почни да се навикнуваш на земја”, изјави Солаковиќ, а неговиот одговор ги освои социјалните мрежи.
Неодамна, тој зборувал за стресот, нездравата исхрана, лошото опкружување и борбата со високите температури и истакнал дека неопходно е да се биде припремен на временските прилики кои брзо се менуваат.
“Преоѓањето од едно годишно доба во друго претставува шок за организмот. За да се припремите, мора што поголем дел од денот да бидете надвор од домот бидејќи така ќе се прилагодите на времето. Не треба само да седите во домот или канцеларијата, со движењето ќе ја подобрите припременоста на организмот на промени”, изјавил докторот.
Честите случаи на инфаркт помеѓу младите ги искоментирал на следниот начин:
“Тие добиваат акутен инфаркт бидејќи одат во теретана и се форсираат за да се набилдаат, а всушност треба да одат постепено и под лекарска контрола додека телото не влезе во форма”.
Она што е многу важно е здравата исхрана која често ја земаме здраво за готово.
“Доколку консумирате месо од скара, мора да знаете дека тоа е како да сте испушиле шест цигари. Второ, внесувате канцерогени материи кои предизвикуваат карцином на дебелото црево или дијабетес. Од тие маснотии нема да добиете ништо друго”, објаснува Емир Солаковиќ.
Стресот е дел од сечие секојдневие и не може да се избегне, но кардиохирургот дава совет како да го сведете на минимум:
“Стресот доаѓа до надбубрежната жлезда, која со производство на кортизол доведува до дијабетес и мозочен удар. Избегнувајте го така што нема да гледате телевизија и нема да се секирате. На работа би било најдобро да го задавите шефот, но немојте! Со лачењето на кортизол вие станувате спремни за напад. За да го елиминирате кортизолот од вашиот организам, излезете и прошетајте. Направете опркужување од кое до вас ќе допира што е можно помалку стрес”, советува Солаковиќ.
