Бред Пит не сака да се тушира, Хју Џекмен е зависен од кафе, а Ким Кардашијан спие со шминка – изгледа и славните имаат бројни лоши навики.
Обично ги поврзуваме славните со здрав начин на живот – вежбање, здрава исхрана, избегнување работи кои се штетни за нив… Но, и тие се само луѓе и речиси сите си имаат понекоја лоша навика.
Во продолжение погледнете кои се лошите навики на славните:
Софи Турнер, Наоми Кемпбел и Мет Дејмон – пушење цигари
Бред Пит и Кристен Стјуарт – не сакаат да се тушираат
Бред Пит, кој важи за еден од најпосакуваните мажи во Холивуд, има изјавено дека немал многу време за туширање, особено пред разделбата со Анџелина, додека децата им беа мали, па само си ги чистел пазувите со влажна марамчиња.
Според гласините на луѓе кои соработувале со Кристен Стјуарт, и актерката не е голем фан на туширањето и, наводно, многу ретко си ја миела косата.
Ким Кардашијан – спие со шминка
Секоја жена знае дека спиењето со шминка е најлошото нешто што можете да ѝ го направите на вашата кожа. Ако си легнете со шминка, таа ќе ги затне порите на кожата и можат да се појават секакви проблеми – од акни и митесери, до иритација. Но, Ким Кардашијан го игнорира сето ова.
„Навистина сум мрзлива и не можам да се шминкам секој ден, па си легнувам со шминка“, има изјавено таа.
Џиџи Хадид и Зендаја – не пијат вода
Иако на нашиот организам му треба вода, изгледа на многу луѓе му е тешко да ја пијат доволно. Овде спаѓаат и Џиџи Хадид и Зендаја.
„Воопшто не пијам вода. Мајка ми постојано ме тера и мислам дека е време да го променам тоа“, има изјавено Џиџи.
Зендаја, пак, вели дека го мразела пиењето вода.
Џорџ Клуни и Рене Зелвегер – не спијат доволно
На човечкиот организам му е потребен сон, и тоа барем 7 часа секоја вечер. Сепак, изгледа за некои луѓе ова е невозможна мисија.
Џорџ Клуни има изјавено дека имал тешкотии со спиењето и во текот на ноќта се будел најмалку петпати. Откако со Амал ги добија близнаците, актерот изјави дека спиел уште помалку.
Рене Зелвегер има изјавено дека поради натрупаниот распоред, скоро и да нема време за спиење, а некогаш не си легнувала сè додека не е екстремно уморна.
Рис Витерспун и Бијонсе – луди диети
Славните постојано чувствуваат притисок да изгледаат совршено, па не е ни чудно што пробуваат секакви диети, дури и оние најбизарните. На пример, Рис Витерспун покрај другите, ја следела и диетата со бебешка храна која забранува сè друго освен храна за бебиња.
Бијонсе изгледа е кралица на лудите диети – таа има слабеено со диета која дозволува само пијалаци, диета со помалку од 1.000 калории дневно, диета која дозволува само салата од краставици за ручек…
Ева Мендез, Том Круз и Илајџа Вуд – грицкање нокти
Грицкањето нокти може да предизвика цела низа проблеми, но славните како Ева Мендез, Том Круз и Илајџа Вуд сепак не можат да се ослободат од оваа навика.
Џими Фалон и Кајли Џенер – брза храна
Сите сакаме брза храна и нема ништо лошо во тоа одвреме-навреме да ја јадете. Проблемот настанува кога целата ваша исхрана се состои од брза храна, која е полна со масти и калории.
И покрај тоа што сигурно имаат цел тим готвачи во домот, ни славните не можат да ѝ одолеат на брзата храна. Некои од нив, како Џими Фелон и Кајли Џенер, имаат изјавено дека се и зависни од неа.
Ема Вотсон и Ким Кардашијан – неправилно држење на телото
Ако сте како повеќето, веројатно и вам многупати ви рекле да се исправите. Поради некоја причина, многу луѓе имаат проблем со неправилно држење на телото, а овде спаѓаат и славните.
За Ким Кардашијан и Ема Вотсон доволно е да им ги погледнете фотографиите за да сфатите дека навистина го имаат овој проблем.
