Бројката на загинати во пукањето во Универзитетот во Перм се искачи на осум лица, откако претходно беа првично најавени четири жртви.
Нападот го извршил еден студент кој бил ранет и подоцна уапсен.
„За време на апсењето даваше отпор, и беше ранет“, соопшти рускиот истражен комитет.
Од снимките се гледа како студенти бегаат од зградата, и скокаат низ прозорци.
Руските власти кажаа дека напаѓачот бил еден од студентите на Универзитетот.
Снимките на социјалните мрежи покажаа како тој вооружен се приближува кон зградата на Универзитетот облечен во црно со пушка во рацете.
