Имено, во авионската несреќа животот го загуби Георги Бошнаков, сопственик на компанија за рециклирање отпад, неговата сопруга и нивните две деца при што стапил во контакт со контролорите бидејќи почувствувал турбуленции додека управувал со авионот.

Разговорот се одвивал на англиски и македонски јазик, а после неколку разменети информации, контролата на летање од Скопје не добивала повратни одговори од Бошнаков.

“Се обидуваме да избегнеме еден поголем облак”, вели Бошнаков.

„Може да се прелета над Солунска Глава, нема облаци, сигурно е и чисто со база од над 300 метри над врвот“. „Да, ама пилотот јави дека е турбулентно и го снема од радар“, разговараат контролорите.

Целосниот разговор може да го погледнете тука, а делот од разговорот помеѓу Бошнаков и контролорите почнува од 11.36 минута.

„Цесната” се урнала на непристапен терен, нема услови за нејзино извлекување

„Цесната” што се урна вчера на Солунска Глава, при што загина семејство од Бугарија, се наоѓа на непристапен терен и засега нема услови да се извлече. Локацијата е целосно обележана, а експерти од Одделот за криминалистичко-технички испитувања и вештачења на МВР и од Комитетот за истражување воздухопловни несреќи и сериозни инциденти ќе ги вештачат остатоците од авионот, со цел да се утврдат причините за авионската несреќа.

Како што информираат од обвининителството, двајца јавни обвинители од Основното јавно обвинителство Скопје заедно со екипи на Министерството за внатрешни работи, судска медицина и други релевантни институции утрово извршиле увид во реонот на планината Јакупица каде што вчера се урна авион од типот „цесна“ со четворица патници.

Притоа, по наредба на јавен обвинител, врз телата на починатите патници ќе се врши обдукција од страна на Институтот за судска медицина, криминалистика и медицинска деонтологија.

49-гoдишниoот Гeоpги Бeшнoков и неговата сопруга Калина (47), како и Гергана и Билјана, на возраст од 14 и 18 години, се наоѓале во ,,цесната” кога се случила несреќата.