Од Министерството за внатрешни работи информираат дека во последните 24 часа се издадени решенија за изолација на 366 лица, од кои 261 од граѓаните ја потпишале изјавата.
Директорката на Државниот санитарен и здравствен инспекторат за Фактор потврди дека е во постојан контакт со Агенцијата за заштита на личните податоци во однос на законската регулатива на постапката за објавување на имињата на лицата на кои не може да им се издадат решенијата.
-Се соочуваме со бројни проблеми. Дел од оние кои треба да ги добијат решенијата не се јавуваат на телефонскиот контакт кој го дале. Инспекторите кога одат на дадените адреси се соочуваат со проблеми од типот дека такво лице не живее на таа адреса, но за да се објави името на некого мора да се испочитуваат сите закони и да се запазат човековите права. Затоа сме во постојана координација со Агенцијата за заштита на личните податоци. Секако дека ќе најдеме некакво решение, вели директорката на ДСЗИ, Бухова за Фактор.
Инаку, од извршените контроли кај лица кои мора да се во во изолација и самоизолација, при е утврдено дека едно лице не ја почитувало мерката за изолација, а три лица не ја почитувале мерката за самоизолација.
