Бурна ноќ на Блискиот исток, нова жестока ескалација: Палестинците лансираа над 300 ракети, а Израелците возвратија брутално

864

Израелската армија регистрирала над 300 ракети лансирани од Појасот Газа, од кои стотина биле пресретнати, соопштија од прес-службата на Министерството за одбрана на Израел.

„Во овој момент се забележани околу 300 ракети лансирани од Појасот Газа кон Израел. Многу од нив се пресретнати од системот за против-воздушна одбрана Железна купола“, стои во соопштението на израелската армија.

Сепак, повеќето од лансираните ракети немале никаква ефикасност, затоа што експлодирале во граничните пустини. Неколку ракети погодиле и куќи во три израелски градови, а израелските власти соопштија дека на нивна страна 16 лица се повредени.

Како одговор на нападите на Палестинците, израелската војска брутално одговори со напади од копно и воздух. Нападнати биле над 70 објекти на терористите во Појасот Газа каде што според податоците на локалните лекари, три лица го загубиле животот. Цел на израелските напади била и телевизиската станица „Акса“ која што припаѓа на владеачкото движење Хамас.

Непосредно пред нападите, портпаролот на израелската армија Џонатан Конрикус соопшти дека израелската армија концентрира значителни дополнителни сили и воена техника кон Појасот Газа и се подготвува да ги прошири своите дејствија против палестинските милитанти кои што ги гранатираат јужните делови на земјата.

На брифингот за новинарите, Конрикус изјави дека дотогаш, како одговор на лансираните ракети од енклавата, израелската армија веќе извела напади на 30 цели на милитантите и дека ќе продолжи да изведува напади во текот на ноќта.

„Можно е овие податоци да застарат до крајот на нашиот разговор, но досега имаме нападнато повеќе од 30 воени цели на Хамас и на палестински Исламски џихад, двете главни терористички организации во Појасот Газа“, изјави Конрикус, додавајќи дека армијата е подготвена да ги прошири борбените дејствија.

ПОВРЗАНИ НАПИСИПОВЕЌЕ ОД АВТОРОТ