За стајлингот во кој Цеца Ражнатовиќ се појави во музичкиот натпревар „Ѕвездите на Гранд“ имаше многу коментари, а вистинскиот „бум“ настана кога нејзината ќерка Анастасија се појави во многу слично издание во ТВ-емисијата „Амиџи шоу“.
Имено, младата пејачка потоа откри дека претходно ѝ кажала на мајка си што планира да облече, како и дека ситуацијата ја изнервирала. Цеца, пак, ја откри својата страна на оваа приказна.
Анастасија не се расправаше, мене ми беше многу смешно бидејќи кога ги виде фотографиите рече: ‘Па, одлично ми го ископира стајлингот’, а јас ѝ одговорив: ‘Жими мајка не знаев!’ Кога имаш две јавни личности во куќата, се случуваат такви работи“ – одговори Ражнатовиќ, па се пошегува дека ја ископирала.
Не копирам, туку крадам“ – смеејќи се искоментира Цеца, и додаде дека нема потреба да се краде облека бидејќи сè е во нејзината куќа.
