Враќањето на Зинедин Зидан најверојатно ќе стави крај на еден циклус во кој Реал Мадрид не беше многу успешен во домашното првенство, но освои четири титули во Лигата на шампионите.
Шпанските медиуми најавуваат тотален ремонт во тимот на крајот од сезоната при што од актуелниот играчки кадар ќе си заминат околу 20 фудбалери, а ќе останат десетина. Интересно е тоа што половина од оние што ќе останат се вече ветерани и на залез на кариерата. Остануваат Навас, Рамос, Марсело, Модриќ, Карвахал, Иско, Асенсио, Лукас Васкес, Одриозола и Винисиус.
Во вакви услови не е сигурен ни Каземиро кој оваа сезона игра мошне слабо, а најверојатно ќе биде продаден и Бензема. Виси и Куртоа, но само поради сопственото незадоволство од моменталниот статус и фактот дека најверојатно нема да биде прв голман идната сезона.
На Бернабе можеби ќе дојдат Лука Јовиќ или Икарди, Кулибали или Раул Хименес, а интересен е и Сергеј Милинковиќ Савиќ. Мбапе во моментов е невозможна мисија. Зидан сака компактен тим со 20 фудбалери.
