Никој засега не знае до каде ќе оди цената на гасот бидејќи ги надмина сите предвидувања на експертите дека нема да биде повеќе од 1000 долари. Причината за ова според оние кои ги следат состојбите со енергијата лежи во понудата и побарувачката, во зголемената побарувачка на овој енергенс во Европа но и клучно во гасоводното поврзувањата на Русија со Кина каде веќе е почната испораката на сибирскиот гас.
Оваа историски највисока цена на гасот во Европа која неколку месеци постојано е во пораст нема да влијае врз цената на греењето, уверува првиот човек на регулаторна Бислимовски. Според него компаниите од земјава веќе имаат склучени договори и обезбедно гас по старата цена што ја гарантира стабилноста на сметките за греење за годинава.
ТНГ или течниот нафтен гас како продукт добиен од нафтата засега зависи од цените на светските берзи на нафтените деривати кои во вереме како светот се ослободува од мерките против пандемијата полека почнуваат да растат. Регулаторна нема никакво влијание врз цената на авто плинот туку таа ја диктираат трговците.
Вообичаено цената на авто плинот била двојно пониска од цената на бензинот а сега трговците го поскапе плинот кој го користат автомобилите
