Дефинитивно, мечот на денот на СП во Германија и Данска во рамки на Б групата која се игра во Минхен силите ќе ги одмерат Хрватска и Македонија.
„За Македонија јас имам голем респект. Тоа е земја во која ракометот е спорт број еден. Во своите редови има одлични ракометари предводени од Кире Лазаров, кого имав можност да го тренирам. Но, не е само Лазаров, тука е Столе, голманите, малиот Поповски. Бев нивни селектор, често игравме „седум на шест“ и тоа изгледаше добро. Со хрватската репрезентација немав доволно време да играм таков систем. Но, кој знае можеби утре баш ќе играм така. Сепак, мора да потенцираме дека Македонија тоа добро го игра, па еве и вчера играа одлично „седум на шест“, изјави Лино.
Мечот се игра во „Олимпија Хале“ со почетокт од 18:00 часот, а салата се очекува да биде комплетно распродадена, односно да има 12.000 гледачи.
