Италијанската гимнастичарка Александра Агургукулезе не направи горди, не наежи со фантастична кореографија на изведбата на антологиската македонската песна „Зајди зајди“ откако со неа освои бронзен медал на Светското првенство во ритмичка гимнастика во Софија.
Таа со настапот ги воодушени судиите и успеа да дојде до бронзен медaл.
Александра е родена во Романија, а живее во Удине,Италија.
Зајди, зајди, јасно сонце е популарна македонска песна во народен стил која во недамнешно време здобива популарност насекаде. Во последните шеесет години, песната станува една од песните што жителите на поранешната Југославија највеќе ја поврзуваат со Република Македонија. Песната не е народна, туку во авторство на истакнатиот изведувач Александар Сариевски.
„Песната „Зајди, зајди, јасно сонце“ настана по примерот на народната „Чернеј горо, чернеј сестро“. Слушајќи ја таа песна и пеејќи ја понекогаш, од мене произлезе идеја да направам нешто слично по содржина, но со сосема друга мелодија. Така, полека ја испеав песната, која што набргу стана многу популарна секаде каде што ја пеев. Таа песна мене ми значи многу зашто ја прифатија многу луѓе што се занимаваат со народната музика, но пред сè многу ми значи што ја прифати народот. Секогаш кога некаде ќе настапев мислам дека секој од присутните очекуваше оваа песна да ја испеам“, имаше кажано Сариевски.
