Дејвид Бекам е сопственик на Интер Мајами и веќе успеа да донесе две големи ѕвезди кои играа во Европа, но покрај Блез Матуиди и Гонзало Игуаин, се повеќе се поврзуваат и други имиња кои би го избрале проектот на легендарниот англиски репрезентативец и капитен.
Големите фудбалски ѕвезди од стариот континент се почесто ја избираат Америка како идеална дестинација за послендите години од фудбалскиот пат, па сега легендарниот Бекси не отфрла опција примерот на Матуиди и Игуаин да го следат и двете најголеми светски ѕвезди.
Во разговорот кој го имаше за „ЕСПН“, Бекам доби директно прашање за Лионел Меси и Кристијано Роналдо, по што порача дека ќе ги убеди двајцата изговорајќи само еден збор.
– Да бидам искрен, пристигнувањата на Меси и Кристијано не се толку тешка опција, можам да ги убедам со еден збор. Потребно е да им кажам само „Мајами“ и тие ќе кажат Океј.
– Градот Мајами е главната причина поради која го избрав овој проект. Имаше повеќе причини, но овој град е фантастичен, креиравме одлична база на навивачи и мислам дека имаме доста фудбалски таленти во Мајами. Мајами е град кој секако ги привлекува фудбалските ѕвезди од Европа, а веќе имаме една огромна ѕвезда како Игуаин. Мајами е одличен град за семејствата и тоа игра важна улога. Секогаш ќе се поставуваат прашања кого ќе доведеме во иднина, но мислам дека Интер Мајами нема да биде тешка одлука и за најголемите ѕвезди, – вели Бекам.
