Дали по 47 дена живот со полициски час викендов ќе имаме пократка забрана за движење и повеќе време за шетање ќе се знае утре.
Министерот за здравство Филипче во утринската програма на Канал 5 кажа дека утре на состанок во Владата ќе се направи пресек на состојбата со корона вирусот за изминативе две недели. Следствено на последните анализи на епидемиолозите, властите ќе пресечат дали и кои мерки ќе олабават.
Дека е време забраната за движење да попушти за Канал 5 потенцираше првиот човек на МВР Наќе Чулев. Според него, и во сабота и во недела полицискиот час треба да почнува од 19 часот исто како во работните денови.
Оваа рестриктивна мерка прв пат стапи на сила на 22 март. Тогаш забраната за движење започнуваше од 21 часот и траеше до 5 часот следното утро.
