Многу од актерите за потребите на нивните улоги толку многу се трансформираат што тешко кој може да ги препознае.
На нивните лица можат да се видат различни сценски маски кои што сигурно им е тешко да ги носат на сетовите…
И преубавата Мишел Фајфер понела специфична маска за потребите на улогата во филмот „Stardust“ од 2007-та година, кога ја толкувала улогата на вештицата Ламиа која што има дури 5.000 години.
„Преобразба во Ламиа. Мислам, погледнете ја оваа уметност. Ѝ благодарам на талентираната екипа која што ме направи со толку застрашувачки изглед“, напишала неодамна 62-годишната актерка Мишел на социјалната мрежа Инстаграм покрај неколкуте фотографии кои што ги споделила на кои што навистина изгледа непрепознатливо.
За да ја постигнат таа трансформација шминкерите морале да ја шминкаат подолго од четири часа секој ден, а нејзината коса била сокриена под силиконската навлака, а потоа ѝ била ставена седа перика. Инаку, иако цел свет со децении ја доживува како убавица, Мишел неодамна открила дека не било отсекогаш така.
„Во детството одев како патка и имав огромна уста. Ме нарекуваа тромава желка“, открила таа.
Актерката која што шест години по ред е прогласувана за една од најубавите жени на светот вели во младоста воопшто не се чувствувала убаво.
„Единствено што денес ми е важно е да стареам со достоинство, онака како што природата налага. Не сакам да изгледам затегнато како некоја восочна фигура“, истакнала Мишел Фајфер.
