Српската актерката Даниела Штајнфелд во Вишото обвинителство во Белград го откри идентитето на лицето за кое тврди дека ја силувало. Неведе дека актерот, политичарот од опозицијата, поранешниот минисер и член на Демократската странка, Бранислав Лечиќ е моќникот кој ја силувал во 2012 година.
Актерката во интервјуто за „Инсајдер“ вели дека тоа се случило на 7 мај 2012 година, на падините на Белград. Познатиот српски актер тогаш бил две години во брак со со водителката Нина Радуловиќ, со која во април 2011 годна добил син.
„Ме силуваше мојот колега и драг пријател Бранислав Лечиќ, во мај 2012 година. По четири дена игравме претстава. Бев во шок. Сакав веднаш да повикам полиција, но размислував што ќе се случи. Мора да ја разберете таа ситуација“, изјавила Даниела во ексклузивно интервју за „Инсајдер“.
– Таа вечер, тој ме однесе некаде, а молев и плачев, не знаев каде сум, каде не можев да излезам, тоа беше надвор од Белград, некаде на падините на Белград, среде ноќ. Таму ме измачуваше, ме силуваше – рекла, меѓу другото, актерката.
– Постојано велев „не“, додека можев – рекла Штајнфелд.
Разговорот со Даниела Штајнфелд е снимен во неделата, непосредно пред нејзиното враќање во Америка.
