Камерите на една станбена населба во Бразил снимиле како дете (3) влегува во базен за возрасни, веројатно не знаејќи колку е длабок, каде за малку ќе се удавело.
За среќа, чуварот Алекс Сандро, кој токму тогаш правел обиколка во комплексот, забележал дека нешто чудно се случува во базенот.
Беспомошното дете било во водата околу 20 секунди, а изгледа дека никој во негова близина не забележал дека се дави.
Сандро забележал дека мавта со рацете и брзо го извадил од водата и го прегрнал.
„Се исплашив дека остана без свест, бидејќи не знаев колку долго бил под вода, но кога го извлеков, беше свесен, но исплашен“, рекол чуварот.
Сандро објаснил дека момчето не живее во тој приватен комплекс, туку бил на одмор со неговата мајка.
„Мајката во тој момент го доела помалото дете и не знаела што се случува“, додал тој.
Детето ја прескокнало оградата која ги дели игралиштето и базените и само се упатило кон базените.
Многумина истакнале дека е вистинско чудо што Сандро наишол токму во тој момент и го спасил детето, бидејќи комплексот кој треба редовно да го обиколува е прилично голем.
